صدقت والله أخانا

أنا اكتشفت فعلا ان الشعب المصري (أغلبه) ما بيعرفش يقول مش عارف لازم يفتي في أي حاجة وفي كل حاجة

====================

ظاهرة أتمنى زوالها:

الرشوة أو ما يسمى الان بالاكرامية او بالحسنة

كل حاجة بقت ماشية بالاسلوب ده ادفع مصلحتك تمشي ما تدفعش خلاص حلني لما تنول اللى انت عايزه

بقت حاجة تخنق

الله أصلح أحوالنا

يا ريت كل مشاكلنا تبقى أبو العريف كانت تبقى هينة على الأقل لما بيتعرف محدش بيثق فيه تانى
أما مشكلة الرشوة فمعقدة لأنها مش بس متعلقة بالمرتشى صاحب الذمة الفاسدة و لا كمان بصاحب المصلحة فى الرشوة إيلى بيستسهل تخليص أموره بالطريقة دى ، لكنها كمان متعلقة و بصفة أساسية بصاحب العمل إيلى عارف إن الموظف مرتبه قليل و مش مكفيه و سايبه كده بدون أى شعور بالمسؤلية
دا كمان المشكلة الخطيرة إنه عارف إنه بيرتشى و على هذا الأساس مش عاوز يزودله المرتب بحجة إنه بيعوض من الرشوة
و أذكر موقف لـواحد صاحبنا
عارفينه
المهم
طلب منه ضباط و عساكر الشرطة فى أحد إحتفالاتهم زيادة فى الراتب فقالهم زيادة أيه دا جنيه الشرطة ب8جنيه
الكلمة دى ما فهمتهاش لغاية ما جيت فى يوم راكب تاكسى أنا وواحد فلما نزل إيلى كان راكب قبلى من التاكسى ما دفعش حاجة فاستغربت و سألت السواق و قلتله دا ما دفعش حاجة فقالى بلهجة فيها ضيق و سخرية
(هما دول بيدفعوا حاجة )
ربنا يصلح الأحوال

يا جماعة اكتر من ظاهرة عدم التدين الى بقت عند اغلب الشعب المصرى
يعنى مثلا لو فى متش كورة لمنتخب مصر ولا حاجة تلاقى معظم الناس يفضلوا فى البيت ومش يخرجوا يصلوا مثلا
غير كدة انزل فى الشارع واتفرج على المناظر تحس ان احنا بلد مسيحية مش مسلميين
او حتى انزل الجامعات واتفرج على الى بيحصل فيها
او اتفرج على اكتر مصدر ثقافى للشعب المصرى وهوا التليفزيون او السينيمات واتفرج على نوعية الافلام الموجودة وانت تعرف ان الدين فى مصر قل جدا عند الناس